Galicia TIC 2014
O vindeiro 14 de outubro terá lugar na Cidade da Cultura de Galicia, en Santiago de Compostela, a duodécima edición do Galicia TIC, evento no que o Colexio Oficial de Enxeñeiros de Telecomunicación de Galicia colabora dunha forma importante. O encontro, dirixido polo noso Vicedecano, Miguel Merino, e que este ano está adicado a "Transformación dixital e competitividade empresarial en Galicia", supón un expoñente do avance tecnolóxico do sector TIC e unha plataforma de debate sobre as mellores solucións ofrecidas para a competitividade das empresas galegas e para o servizo do sector público.
Xa se atopa aberto o prazo de inscrición. @ asociad@ interesad@ en asistir que envíe un mail a aetg@aetg.org para recibir información dos descontos aplicables a asociados.