O COETG presente no XIV Foro Tecnolóxico de Emprego
O Colexio Oficial/Asociación de Enxeñeiros de Telecomunicación de Galicia participou activamente na XIV edición do Foro Tecnolóxico de Emprego da Universidade de Vigo que tivo lugar durante a semana do 11 ao 14 de marzo nas Escolas de Telecomunicacións, Minas e Industriais da Universidade de Vigo.
O mércores 12 ás 17 horas no salón de graos da escola de Telecomunicación tivo lugar a impartición dunha conferencia baixo o título "Desenvolvemento profesional do Enxeñeiros de Telecomunicación e o seu acceso ao mercado laboral" na que o vicedecano/vicepresidente, Miguel Merino Gil, e o xerente, Ricardo Fernández Fernández, transmitiron aos futuros profesionais da enxeñería de telecomunicación, as diferentes posibilidades do exercicio profesional.
Tamén estivemos presentes cun stand expositivo ubicado dende o mércores 12 (ás 16 horas) ata o venres 14 (ás 13 horas) no vestíbulo da E.T.S.E. de Minas, onde se informou aos asistentes, das funcións e servizos que ofrecen o COETG e a AETG aos enxeñeiros de telecomunicación e se puso a disposición dos visitantes información do colexio e asociación.